विद्युतीय सञ्चार माध्यम अन्तर्गत रेडियोमा सबभन्दा बढी समाचार वाचन गर्ने रचना श्रेष्ठ

  

असार २८, केके मानन्धर ।

रचना श्रेष्ठ नेपालभाषा समाचार वाचिकाको रुपमा सबभन्दा बढी सेवा गर्ने नेपालकै पहिलो महिला हुन् । विद्युतीय सञ्चार माध्यमको रुपमा रहेको नेपालको सरकारी सञ्चार संस्था रेडियो नेपालमा २०५० देखि नियुक्ती पाएर आजको दिनसम्म काम गरिरहनु भएकी छन् । याे समय गणना गर्दा उहाँले समाचार वाचन गरेकाे समयावधि ३२ वर्ष हुन्छ । नियुक्ति पाएकाे केही समय पश्चात् श्रेष्ठले आफ्नो आकर्षक आवाजलाई पहिलो पटक रेडियोमार्फत सञ्चार गरेकी थिइन् । यसअघि सबैभन्दा बढी समयसम्म समाचार वाचन (विशेष गरी रेडियोमा) गर्ने नेपाली महिला कृष्णा ताम्राकार थिइन् । उहाँले वि.सं. २०१८ जेठ २४ देखि २०४९ सम्म रेडियो नेपालमा समाचार वाचन गरेकी थिइन् । कृष्णा ताम्राकारले करिब ३१ वर्ष समाचार वाचन गरेकाे इतिहास छ  ।

वरिष्ठ सञ्चारकर्मी रचना श्रेष्ठको थप विवरणः

१) २०५५ भदौ ५ गते रेडियो नेपालमा स्थायी नियुक्ती ।

२) २०६५ सालमा सम्पादक पदमा बढुवा भएर हालसम्म कार्यरत ।

३) २०७१ देखि २०७६ सम्म नेपाल मानव अधिकार संगठन कीर्तिपुर शाखाकी अध्यक्ष ।

४) देशभरका नेवार पत्रकारहरुको राष्ट्रिय संगठन नेवाः पत्रकार राष्ट्रिय दबूमा २०७६ देखि उपाध्यक्ष तथा विभिन्न पदाधिकारी पदमा कार्यरत ।

५) नेपाल आदिवासी जनजाति पत्रकार महासंघ (फोनिज)की केन्द्रीय सदस्य ।

६) नेपाल पत्रकार महासंघकी सदस्य ।

कमेडियन अपूर्व क्षितिजलाई जरिवाना तिराउनु : पाटन उच्च अदालत

 

असार २० गते, केके मानन्धर ।

कमेडियन अपूर्व क्षितिज सिंहकाे मुद्दामा काठमाडौं जिल्ला अदालतकाे फैसलालाई पाटन उच्च अदालतले सदर गरेकाे छ । 

क्षितिजकाे मुद्दामा २०८० मंसिर १० गते जिल्ला अदालत काठमाडौंले निजलाई अांशिक दाेषी ठहर गर्दै १० हजार रुपैयाँ जरिवानाको सजाय सुनाएको थियाे । न्यायाधीश कपिलमणि गौतमको इजलासले सार्वजनिक शान्ति विरुद्ध र जातीय भेदभाव तथा छुवाछुत सम्बन्धी र सामाजिक रितिस्थितिमा खलल सम्बन्धी कसुरमा आंशिक दोषी ठहर गर्दै सजाय सुनाएको थियाे ।

साेही मुद्दामा अाज अर्थात् असार २० गते शुक्रबार मुलुकी अपराध संहिता, २०७४ को परिच्छेद–१०: भेदभाव तथा अन्य अपमानजन्य व्यवहार सम्बन्धी कसुर अन्तर्गत रहेको दफा १६५ बमाेजिम क्षितिजलाई जरिवानाकाे सजाय सुनाएको छ । साे दफामा उक्त कार्य दण्डनीय कसुर उल्लेख गरी यस्तो कार्य गर्नेलाई ३ महिनादेखि ३ वर्षसम्म कैद, वा ५ हजारदेखि २५ हजार रुपैयाँसम्म जरिवाना वा दुवै सजाय गर्न सकिने व्यवस्था गरेको छ ।

जाहेरीकर्ता पृथ्वी विन्दु महर्जन, प्रशान्त शाही, रोजिना अवाले, नन्द गोपाल महर्जन र आजित पुतुवारको जाहेरी एवं वकपत्र, यूट्युबमा अपलाेड भएको भिडियो मिसिल तथा क्षितिजकाे बयानकाे अाधारमा निजलाई अांशिक कसुरदार ठहर गरेको हाे ।

सम्बन्धित कागजात: